LAOAG CITY – Inpetteng ti Drug war victims lawyer a ni Atty. Gilbert Andres a karaman kadagiti maipagarop a sistematiko a napatay iti babaen ti kampanya kontra illegal a droga ni dati a Presidente Rodrigo Duterte ket dagiti ubbing ken saan a maibilang a “collateral damage” ti pannakatay da.
Kuna na a saan a naikonsiderar ti Philippine National Police (PNP) Operational Procedural Manual a naiparuk-at idi 2021 iti panangsoblar ti kaso kontra ken ni Duterte.
Naglikudan met ti victim lawyer ti rakurak ti kampo ni Duterte a maipagarop a saan a kinunsinti ti administrasyon Duterte dagiti kunniber a pulis, saan a kinasoan ti gobierno dagiti pulis a karaman iti pannakatay ti saan a nababbaba ngem 3,967 a biktima iti anti-drug operations sipud idi Hulyo 1, 2016 agingga iti Nobyembre 27, 2017.
