LAOAG CITY – Inpasigurado ti Department of Social Welfare and Development iti publiko a ti pinansyal a tulong a para kadagiti marigrigat a pamilya ket saan a mausar iti pulitika kabayatan ti kampanya para iti mapaspasangasangan a Midterm Elections.
Inrakurak ni Department of Social Welfare and Development Secretary Rex Gatchalian a mismo a dagiti social workers ti mangdeterminar kadagiti kwalipikado a benepisyaryo iti nasao a programa.
Agtalek ni Gatchalian a dagiti social workers ket natraining da a nasayaat iti panangtingiting kadagiti kwalipikado a recipients iti financial aid ti nasao nga ahensya.
Iti baet ti election ban, inpasigurado ni Gatchalian iti publiko nga itultuloy da a tulungan ti marginalized ken ti vulnerable sector.
