LAOAG CITY – Impakaaammo ti Department of Social Welfare and Development (DSWD) a nakaipaay dan ti P745 milyon a gatad para kadagiti lugar a naapektaran ti tikag iti baet ti umay a Super El Niño iti pagilian.
Inbatad ni spokesperson Irene Dumlao a dagitoy ket pakairamanan ti food packs ken emergency cas transfer kadagiti mannalon.
Kunana nga agtultuloy ti panagsagsagana ti ahensia kadagiti food packs kadagiti warehouse-da.
Malaksid iti daytoy, agarup 40 a probinsia ti manamnama a makapasar ti kinaawan ti panagtudo bayat ti tiempo ti kalgaw ken tikag. Manamnama a ngumato ti 80 a probinsia intono bulan ti Enero, 2027.
