LAOAG CITY – Inpasigurado ni Department of Trade and Industry (DTI) Secretary Maria Cristina Aldequer-Roque nga awan ti panagngato iti presyo dagiti kangrunaan a magatgatang agingga nga agngudo ti tawen.
Inbatad ni Roque a no maipanggep kadagiti pang-noche Buena ket 50 a porsiento kadagiti produkto ket agtalinaed ti presyo na a kas iti napalabas a tawen idinto a dagiti dadduma ket nagipangaton ti presyo ngem nababbaba daytoy ngem 5 a porsiento.
Inlawlawag ni Roque a ti apagapaman a panagngato ti presyo ti sumagmamano a magatgatang ket maiptpatungpalen.
Innayon na a kasapulan ti pannakaipangato ti presyo dagiti sumagmamano a produkto tapno masupusupan ti panagngato dagiti gastos, partikular dagiti imported a produkto.
