LAOAG CITY – Inruaren ti Department of Trade and Industry ti baro a Suggested Retail Price kadagiti sumagmamano a kangrunaan a magatgatang ditoy pagilian.
Iti nasao a listaan ket adda ti 77 a produkto ti ngimmato.
Ti naudi a nangiruarda ti Suggested Retail Price kadagiti produkto ket idi Enero 12 iti napalabas a tawen.
Basar iti datos ti Department of Trade and Industry nga adda ti 191 a shelf-keeping units (SKU) ket 77 items wenno 40 a porsiento dagitoy ket ngimmato ti presiona.
Naammoan a dagiti produkto a ngimmato ti presiona ket ti sardinas, condensed milk, evaporated, powdered mik, tinapay, asin, sabon, corned beef, kandila, instant noodles, luncheon , beef ken meat loaf ken coffee refill.
Ti sardinas ket ngimmato manipud iti 5 agingga iti 15 a porsiento wenno dua a sentimo a P2.73 para iti 155 a gramo ti delata idinto a ti gatas ket manipud iti innem agingga iti 10 a porsiento a panagngina wenno manipud iti P2.50 agingga iti P6.00 depende iti brand.
Adda ti 108 a produkto met ti saan a nagbaliw ti presiona.
