LAOAG CITY – Mangipatungpal ti Department of Trade and Industry (DTI) dagiti proactive measures nga addang tapno masolbar dagiti posible nga epekto ti universal tariffs ni United States President Donald Trump a mabalin a mangitunda ti pangta iti export sector ti pagilian.
Inpetteng ni Department of Trade and Industry Secretary Cristina Roque a ti Estados Unidos ket maysa kadagiti kangrunaan a partner trading ti Pilipinas no sadinno a mabalin a makaapektar ti taripa kadagiti nagduduma a produkto nga iyeks-export ti Pilipinas.
Basar iti Department of Trade and Industry, makibinnuligda iti personal iti administrasion Trump tapno mapagnunumoan dagiti solusion nga agbalin a “mutually beneficial.”
Naammoan a maysa kadagiti plano ti Department of Trade and Industry ket ti posibilidad dagiti preferential trade agreements a basar iti ahensia ket mabenepisiaran ti agpada nga ekonomia ti Pilipinas ken Estados Unidos.
