LAOAG CITY – Inkari ni Department of Trade and Industry Secretary Alfredo Pascual a protehiran na ti intellectual property (IP) rights ditoy Pilipinas tapno mapadur-as ti inobasyon ken panagdur-as ti negosio.
Kuna na nga iti babaen ti panangprotehir ken panangsaluad kadagiti naimbento a pagsapulan dagiti Pilipino iti intellectual property ket mabalin a makatulong dagitoy iti panangpadur-as ti economic ken social development ti pagilian.
Inrakurak pay ti trade official ti panangikomit ti opisina da a mangparang-ay ti kompetisyon iti local micro, small, and medium enterprises (MSMEs) babaen ti panangpatanur da iti ecosystem nga ayan ti innovation ken creativity.
Mainaig iti daytoy, nangipaay pay ni Pascual ti update seknan ti development road map ti Department of Trade and Industry para kadagiti micro, small ken medium enterprises.
Ti napalabas a Micro, Small ken Medium Enterprises Development Plan 2017-2022 ket naipamaysa iti tallo a banag a dagitoy ket ti business environment, business capacity, ken business opportunities.
