LAOAG CITY – Kinumpirmaran ni Fire Chief Inspector Roxanne Parado, ti Fire Marshal ti Bureau of Fire Protection (BFP) ditoy ciudad ti Laoag a nareliboan dagiti dua a kameng ti BFP a maipagarop a naggi-inom iti uneg ti opisina da.
Nabigbig dagitoy nga isuda Senior Fire Office 1 Charlie Balanay Simisim ken Senior Fire Officer 1 Victor Apostol Caise.
Segun kenni Parado, ni Simisim ket naiyakar iti ili ti Banna idinto a ni Caise ket adda iti Supervising seminar na.
Iti agdama ket agtultuloy met ti imbestigasyon seknan iti maipagarop a panaggi-inom da Caise ken Simisim.
Maipalagip a naaktuan a mismo ni Parado da Caise kenni Simisim nga agin-inom iti Finance Section ti opisina da bayat a nakaduty da a naiget met a naglikudan dagiti dua a kameng ti BFP.
