LAOAG CITY – Nagaburan ti dua a kameng ti Department of Public Works and Highways (DPWH) Region 2 gapo iti panagreggaay ti daga iti San Juan, Sta Praxedes, Cagayan.
Segun kenni Marlene Miralles iti Municipal Disaster Risk Reduction and Management Officer – Sta Praxedes, addan iti nasayaat a kasasaad ti maysa kadagiti nagaburan ngem ti maysa ket adda iti kritikal a kondisyon.
Inbatad na nga adda iti lugar dagiti biktima ken ti maysa pay a kadua da tapno agbantay iti trapiko ken imonitor gapo iti mapaspasaran a panagtudo.
Naamoan a saan a nadlaw dagiti sua ti panagreggaay ti daga iti mismo nga ayan da.
Dagus met a immawat ti rescuers ti kadua da ken nagresponde ti MDRRMO Sta. Praxedes.
Iti agdama, nagtalinaed a saan a madalysatan ti kalsada kadagiti amin a klase ti behikulo kabayatan a maiyus-uwat ti clearing operation.
