LAOAG CITY – Kinumpirmaran ni PLt. Col. Randy Baoit, pannakangiwat ti INPPO a dua a kameng ti PNP ti nagpositibo iti covid-19.
Segun ken ni Baoit, dagiti nagpositibo ket nakadesignar iti EOD-K9.
Inbatad na a dimmalan iti swab test dagiti amin a miembro ti EOD-K9 itay napan a lawas kas panangsurot ti pagannurutan nu sadino a masapol a dumalan dagiti pulis iti nasao a test.
Inpakaamo na a sipod naamoanda a nagpositibo iti covid-19 dagiti dua a pulis, dagus a naipan dagitoy iti quarantine facility a naiyestablisar iti INNPO.
Kabayatanna, kuna ni Baoit nga umabot iti 20 a kakadua dagiti nagpositibo iti EOD-K9 ti naka-isolate iti headquarters da.
Immunan nga inpakaamo ti opisyal a dagiti nagpositibo ket residente ditoy siudad ti Laoag ken iti probinsya ti La Union.
Innayun na a naiget a maad-adal ti posible a nakaalaan da ti virus ken ti pannakaiyuswat ti contact tracing kadagiti dadduma pay a nakapulapol dagitoy.
