LAOAG CITY – Umaboten iti 91 a kaso ti COVID-19 ditoy probinsya kalpasan a naimaldit ti dua a kaso iti ili ti Badoc ken ditoy siudad ti Laoag.
Segun kenni Gov. Matthew Marcos Manotoc, ni IN-C90, lalaki, agtawen ti 49, addaan ti travel history iti Metro Manila, nakapulapol na ni IN-C82 ken residente iti Brgy. Sta. Cruz iti ili ti Badoc.
Ti maysa ket ni IN-C91, lalaki, agtawen ti 23, APOR(Delivery), addaan ti travel history iti Sampaloc, Manila, ken residente iti brgy. 56-A Bacsil North, ditoy siudad ti Laoag.
Saan pay a masinunuo ti esposure ni IN-C91.
Agpada da nga asymptomatic ken isolated da IN-C90 kenni IN-C91.
Idi Setyembre 11 a nagpositibo ni IN-C82, babai, agtawen ti 56 residente iti Brgy. Sta Cruz iti ili ti Badoc, ken aglaklako ti ikan daytoy, basar iti impormasyon manipud iti FB page ni Governor Manotoc.
