LAOAG CITY – Nasugsugatan dagiti 2 nga indibidual iti napasamak a desgrasya iti paset ti Escoda road idiay Barangay 22 San Guillermo iti ili ti San Nicolas.
Nabigbig dagitoy a da a Richard Manuel, ken Eugene Pimentel, agtawen ti 25, maysa a helper, ken residente iti Brgy. 48 A Cabungaan, Laoag City.
Segun ti imbestigasyon ti PNP-Traffic Division-San Nicolas, bayat nga agpapalaud a direksyon ti motorsiklo nga inturong ni Manuel ket kellaat a nadungparna ti “road signage” ti manarimaan a road construction iti lugar a nangitunda ti desgrasya.
Dagus a naitaray iti Laoag City General Hospital ni Manuel idinto a ni pimental ket naitaray iti Black Nazarene Hospital iti ili ti San Nicolas gapu ti pinasarda a sugat iti nagduduma a paset ti bagida.
Nupay kasta, nagtalinaed iti ospital dagiti nasao a biktima para iti naan-anay a pannakatamingda.
