LAOAG CITY – Naipakustudyar dagiti dua a lallaki iti PNP Sarrat kalpasan a natiliw da itay alas dos ti parbangon gapu ti panagsalungasing da ti curfew hour manipud iti alas otso ti rabii agpatingga iti alas singko ti parbangon.
Segun kenni Police Capt. Carlo Abing, hepe ti PNP Sarrat, nagparesponde dagiti opisyal ti barangay para ti pannakaarestar dagiti dua a lallaki iti nasao a barangay.
Naamuan da a nakainom dagiti dua a lallaki.
Kasarita met ni Abing dagiti nagannak dagiti dua a lallaki para ti pannakaipaay ti pammalakad kadagiti maseknan tapno saanen a maulit ti insidente.
Manamnama a mapilaan ti maiyannatop a reklamo dagiti dua a lallaki kalpasan ti pannakaarestar da.
