LAOAG CITY – Nakalibas dagiti dua a suspek a nangiyuswat ti iligal a panagkalap iti Bolo River iti paset ti Sitio Talna, Brgy. San Lorenzo, Bangui, Ilocos Norte.
Segun ni Police Major Ramil LLarenas, ti chief of police t Philippine National Police iti ili ti Bangui, ti maysa kadagiti suspek ket nabigbig a ni Pedro Rayoan a residente iti Brgy. San Lorenzo iti nadakamat nga ili idinto a ti kadua na ket manarimaan pay laeng ti panangbigbig da iti daytoy.
Inbatad na a nakaawat da ti report mainaig iti iligal a panagkalap dagiti suspek ken nagusar da ti dinamita.
Naamoan a bayat ti panagresponde dagiti otoridad ket nagtaray dagiti suspek no sadinno nabati iti lugar ti tilapia ken bangus.
Kabayatanna, mapilaan ti kaso a panaglabsing iti Presidential Decree 704 wenno Illegal Fishing dagiti suspek.
