LAOAG CITY – Agdagup ti dua a milyon a pisos ti inyalokar ti lokal a gobierno iti ili ti Sarrat para iti Anti Covid-19 Response pakairaman ti paggatang ti bakuna kontra iti virus.
Segun kenni Mayor Remigio Medrano, kasarita nan to pay laeng dagiti kameng ti Covid-19 Task Force tapno ammoen no siasinno dagiti prayoridad a mabakunaan.
Daytoy ket gapo ti sayangguseng a saan a kasapulan pay a mabakunaan dagiti senior citizens nangruna dagiti agtawen ti 80 agpangato.
Inbatad na a ti kapintasan a wagas tapno saan a makaptan ti virus ket ti panagtalinaed iti pagtaengan.
Kunana a saan pay nga ammo no mano a dose ti bakuna ti gataengen ti LGU-Sarrat.
Innayon na nga agi-appropriate dan to pay laeng ti pondo manipud iti savings da itay napan a tawen no bilang gumatang dan ton ti bakuna.
