LAOAG CITY – Dinayyeg ti nagsaruno a napigsa a gingined idiay Saranggani, basar iti Philippine Institute of Volcanology and Seismology (Phivolcs).
Immuna a narikna ti 6.8 magnitude a ginggined idiay Davao Occidental iti oras ti alas-10:58 idi rabii.
Ti ginggined ket nagsentro iti 315km iti Balut Island, Sarangani, Davao Occidental a ti kaunegna ket sangapulo a kilometro.
Narikna iti instrumental intensity II idiay Malungon ken Kiamba, Sarangani; Koronadal City ken Tupi, South Cotabato; ken Palimban, Sultan Kudarat.
Narikna pay iti intensity I idiay Magsaysay, Davao del Sur; Sta. Maria, Davao Occidental; Nabunturan, Davao de Oro; Maitum ken Malapatan, Sarangani; Banga, Tampakan, T’Boli, Surallah, ken Santo Niño, South Cotabato; ken General Santos City.
Kabayatanna, kalpasan ti 17 a minuto, narikna met ti magnitude 5.2 a gingined iti oras ti alas-11:15 idi rabii a ti sentro ti gingined ket 350 a kilometro abagatan a laud ti Balut Island, ken addaan ti kauneg a 10 kilometers.
