LAOAG CITY – Nagbalin a nagasat ti panagngudo iti tawen para iti Pinoy table tennis team kalpasan a nakagun-od ti medalya iti naisangsangayan a 2024 US Open Table Tennis Championships a naiyuswat idiay Las Vegas, Nevada.

Agkadua da Khevine Khieth Cruz ken Liam Zion Cabalu iti pannakagun-od ti kampeonato iti boys’ under-13 doubles event nga inabakda dagiti sumagmamano a nalalatak a junior netters iti intero a lubong.

Karaman kadagiti inabak da Cruz ken Cabalu ket isuda Kyler Chen ken Liren Zhang a pambato ti host nga United States iti gold-medal match.

Produkto da Cruz ken Cabalu ti National Aca­demy of Sports (NAS).

Aggapu ni Cruz manipud idiay Tondo, Manila idinto a naggapu met ni Cabalu idiay Quezon.