LAOAG CITY – Mapilaan ti kaso a panaglabsing ti RA 10623 wenno an act providing protection to consumers by stabilizing the prices of basic necessities and prime commodities and by prescribing measures against undue price increases during emergency situations kontra iti maysa nga online seller ditoy siudad ti Laoag.
Daytoy ket kalpasan a naarerstar ti Criminal Investigation and Detection Group (CIDG) ken Department of Trade and Industry ti maysa a babae babaen ti naiyuswat a buybust operation iti Brgy. 12 ditoy siudad ti Laoag.
Segun ken ni Pol. Maj. Nelson Apostol, mangidadaulo iti Ilocos Norte CIDG, maysa nga agnagan Heronel Henson y Conorio, agtawen 29, residente iti Brgy. Bacsil, Laoag City ken agtrabtrabaho iti maysa a shopping center ti Sanchez Mira, Cagayan, ti nakatransaksiyon da para iti pannakagatang ti 150 ml nga alocohol iti balor a 80 a pisos.
Rumrumuar a ti kaanakan ni Heronel a ni Tintin Pascua y Conorio, agtawen 19, ken residente iti Brgy. 12, Laoag City ti simmango kadagiti otoridad iti maysa a convinience store ket dita a naarestar daytoy.
Nakumpiskar dagiti otoridad ti 10 a piraso ti 150 ml green cross isphrophyl alcohol ken P1000 a pisos a buybust money manipod iti suspek.
Nu pay saan a naarestar ni Heronel ket mapilaan latta daytoy ti kaso a panaglabsing ti RA 10623 gapu iti overpricing.
Maipalagip a bayat nga adda state of calamity iti intero a pagilyan ket ang maipatpatungpal ti price freeze.
