LAOAG CITY – Nakagasgasat dagiti dua a trahador ti maysa nga agikakkapet ti sign board kalpasan a nakuryente dagitoy ket saan da a napurwan.
Nabigbig dagitoy a da Jovanie Perdido agtawen ti 22 awanan asawa, residente ti Cayubog, Paoay kenni Elton John Soriano, agtawen ti 17 awanan asawa resident idiay Gonzaga, Cagayan, agpadpada a part time sign board installer.
Basar iti inisyal nga imbestigasyon ti PNP-Pasuquin, manarimaan ti panagikapet dagiti biktima ti sign board ti maysa a pasdek negsoyo iti paset ti BRgy. 4 iti ili a Pasuquin, idi aksidente a maiggaman ni Perdido ti live wire manipud iti poste ti kuryente nga adda iti asideg ti pagob-obraan da.
Nairamraman a nakuryente ti kadua na a ni Soriano nga iti dayta a gundaway ket ig-iggman na ti sign board nga ikapet da.
Nagsagaba ni Perdido ti second degree burn iti makinkannawan a tangan ti ramay na ken akin kannigid a saka na idinto a ni Soriano ket nagsagaba met ti second degree burn iti akin kannigid a saka na.
Napaagasan dagitoy iti Rural Health Unit iti nasao nga ili.
