LAOAG CITY – Dinarusdos ti maysa a pick-up ti dua a tricycle iti Brgy. 1 ditoy siudad ti Laoag
Segun iti Philippine National Police – Traffic Division ditoy siudad ti Laoag, ti nagmaneho ti pick-up ket ni Glenn Guerrero, agtawen ti 48, idinto a ti dua tricycle ket ni Judy Mateo Sr. ken ni Dante Quilling nga agpapada a residente ditoy siudad.
Basar iti inisial nga imbestigasion, immunan a naidungpar ti pick-up iti kayo nga asideg iti Data Center College of the Philippines, idinto nga inatras na ti driver ti lugan ken intultuloyna ti nagpasango agingga a naidungpar na ti tricycle iti sanguanan na pakairamanan ti nakaparking a tricycle.
Gapu iti daytoy, naitaray iti Governor Roque Ablan Sr. Memorial Hospital ni Matthew gapu ta nagsagaba daytoy ti sugat iti nagduduma a paset ti bagi na idinto a saan a naan-ano ni Dante.
Mainaig iti daytoy, mapapati a nasanger ti driver ti pick-up ken maur-uray ti medical examination-na.
Kabayatanna, nagtalainaed iti kuerpo ti polisya ti Philippine National Police ti driver ti pick-up ken manamnama a mapilaan daytoy ti maiyannatop kaso a kontra kenkuana.
