LAOAG CITY – Inrekomendar ni Police Lt. Col. Joseph Baltazar, ti chief of police ditoy ciudad ti Laoag ti pannakasuspenso pay laeng nga agpasada dagiti dua a tricycle driver a nagkabil iti tengnga ti kalsada.
Naamoan a dagiti maseknan ket addaan ti sidecar number a 1057 ken 2490.
Segun kenni Baltazar, iti panagsarita dagiti dua a tricycle driver iti sangwanan ti pulisya ken naduktalan a ti pasaheros ti rason ti nakabilan dagitoy.
Inbatad na a gapo iti daytoy ket inungtan na dagiti maseknan kageddan ti pananglabakad na kadagitoy a saan da nga ul-uliten daytoy a banag.
Mainaig iti daytoy, kunana nga irekomendar nan to pay iti Sang. Panlungsod partikular iti Committee on Transportation tapno maikkan ti pagmenna-mennaan dagitoy.
