LAOAG CITY – Ibilang ni Mrs. Theresa Castro Tanjueco a planted dagiti naala nga illegal a droga manipod iti anak na a ni Gian Marco Castro Tanjueco, agtawen iti 21, ken residente iti Barangay 14 ditoy ciudad ti Laoag.
Inpetteng ti ina a Castro nga am-ammo na ti anak na ken mamati a saanna a maaramid ti maipab-pabasol kenkuana.
Inbatad na nga iti agsaludsud no sadinno ti nakatiliwan da ti anak na ket maipagarop a saan a dagus a nakasungbat ti maysa a pulis.
Gapu ti daytoy, inpasingked ni Mrs. Castro nga ilaban da ti kaso ti anak na.
Segun pay ken ni Mrs. Castro, maipagarop a dinangran dagiti pulis ti anak na.
Kabayatanna, uray ti kadwa ni Gian a ni Kenneth Rae Pasion, agtawen iti 23, college student, residente iti Barangay Dibua-South ket naglikudan na ti alegasyon kadakuada.
Inadmitir na a nagus-usar idi ti marijuana ngem idi pay 2016 nga insardeng na.
Inulit-ulit na nga inbaga a dagiti maibagbaga a naala kadakuad a marijuana ket inmula laeng dagiti pulis.
