LAOAG CITY – Nagtalinaed iti ICU iti Mariano Marcos Memorial Hospital and Medical Center dagiti dua a biktima ti pammagkong idiay Barangay 43, Cavit ditoy ciudad ti Laoag.
Nabigbig dagiti biktima a da Jovannie Gaoiran Tomas ken Jefferson Bautista Alonzo, agpada a residente ti nasao a barangay idinto a ti suspek a ni Bernie Asuncion.
Segun iti nakakita ti pasamak a ni Romnick Mendoza, namunganay ti pasamak iti panagkatkatawa dagiti biktima ken ti ammo ti suspek ket isu ti makatkatawaan a nangitunda ti pammagkong.
Naamoan a nagawana daytoy kadagiti maseknan ngem naiwarsi isuna bayat ti pasamak.
Saan na met nga ammo no nangalaan ti suspek ti kutsilyo nga inusar na iti nasao a krimen.
Awan met ti ammo ni Mrs. Lea Adriano, asawa ni Tomas a rason no apay a naaramid ti suspek ti pammagkong.
Kalikagom na a sungbatan amin ni Asuncion ti magastos ti asawa na iti panagpaagas na iti nasao nga ospital.
Kabayatanna, nnpetteng ni Mr. Reynaldo Alonzo, ama ni Jefferson a mangipila ti kaso kontra iti suspek.
Inbatad ti ama nga Alonzo, masapol a sungbatan ni Asuncion ti inaramid na a krimen.
Innayon na a tallo ti tama ti anak na a pakairamanan ti babaen ti puso na ken patong idinto a ti maysa pay a biktima a ni Jovannie Tomas ket ti akin-kannigid ti buksit na.
