LAOAG CITY – Nairekord ti gobyerno probinsyal dagiti dua a kaso ti COVID-19 a da IN-C759 kenni IN-C760.
Ni IN-C759 ket agtawen ti 27, babai, empleyado iti banko ken residente iti Brgy. 13 San Eugenio iti ili ti San Nicolas, symptomatic ken naadmit daytoy.
IN-C760, babai, agtawen ti 43, residente iti Brgy. 13 Naglicuan iti ili ti Pasuquin, asymptomatic ken nakapulapol ni IN-C751 ken agdama a nakaisolate.
Kabayatanna, umabot iti innem dagiti recoveries sipud idi kalman rason nga umaboten iti 721 ti total recoveries ditoy probinsya.
Adda pay ti nabatbati a 35 nga active cases idinto a nagtalinaed nga uppat dagiti pimmusay.
