LAOAG CITY – Naginnareglon dagiti dua a kampo ti napasamak a desgrasya iti Batac-Banna road bisinidad ti Barangay Naguirangan iti ciudad ti Batac idi Disyembre 11 ita a tawen.
Gapo iti insidente ket pimmusay ti driver ti motorsiklo a ni John Louie Binala y Juan, agtawen ti 19, awanan ti asawa, awanan ti trabaho ken residente iti Barangay Cangrunaan iti ciudad ti Batac.
Immuna iti daytoy, nadungpar ti motorsiklo ti maysa a pajero nga inturong ni Yvie Leslie Navarro y Ibuyat, agtawen ti 19, awanan ti asawa ken residente iti Brgy. #27 Naguirangan iti nasao met laeng a ciudad.
Maipalagip nga agkurba kuma ni Navarro idi nadungpar ni Binala ti driver side ti pajero a rason ti nakatayan na ken nakasugatan dagiti dua a lubbon na.
