LAOAG CITY – Naduktalan ti City Health Office ti siudad ti Laoag nga adda ti dua a tao ti biktima ti sakit HIV-AIDS.
Daytoy ket kalpasan a dimmalan da iti eksaminasyon iti nasao nga opisina.
Segun kenni Dr. Renato Mateo, city health officer iti siudad ti Laoag, maysa kadagiti dua a biktima ket agpapaay nga Overseas Filipino Worker ken ti maysa a biktima ket agpapaay ditoy suidad ti Laoag.
Kuna ni Mateo a nagpositibo da iti AIDS kalpasan ti idadalan da iti eksaminasyon.
Inbatad na a makita laeng ti sintomas ti sakit nga AIDS babaen ti pannakaipadalan da iti labolatoryo ken saan a malasin nga adda ti sakit da.
Mainaig iti daytoy, naglikodan ni Mayor Chevylle Fariñas a menor de edad ti maysa kadagiti dua a biktima ngem daytoy nga maysa a kameng ti LGBT.
Kuna ti mayor nga inasikaso da dagiti biktima ken inpan da idiay probinsya ti La Union gapu ta awan ti pasilidad ti siduad ti Laoag para kadagiti biktima ti HIV-AIDS.
