LAOAG CITY – Nagdinnungpar dagiti dua a kotse iti Manila-North road, bisinidad ti Barangay 16, San Marcos iti ili ti San Nicolas.
Nabigbig ti nangiturong ti kotse a ni Carlos Visita, agtawen ti 67, naasawaan ken residente idiay Bacoor, Cavite idinto a ti driver ti kotse a hyundai ket ni Mark Christian Bagaiosan, agtawen ti 25 ken residente iti Barangay 29, Sta Rosa ditoy ciudad ti Laoag.
Segun ti imbestigasyon ti PNP-San Nicolas, agpaabagatan a direksyon ni Visita idi kellaat nga immagaw ti linya ni Bagaiosan nga agturong iti amyanan a direksyon.
Gapo iti daytoy, nairaman ti 18-wheeler truck a nakaparking iti laod a paset ti kalsada ken natamaan ti likod a parte na.
Nupay kasta, awan ti naireport a nadangran kadagiti nakalugan iti dua a behikulo ngem naitaray dagitoy iti ospital para iti medical ken liquor test.
