LAOAG CITY – Dua ti nasugatan kalpasan a nagdinnungpar ti dua a motorsiklo ti national highway ti paset ti Barangay 8, San Nicolas, Ilocos Norte.
Nabigbig dagiti nangiturong ti dua a motorsiklo a da Moises Madamba, agtawen ti 19, baro, construction worker, residente iti Barangay Bacsil iti ili a Dingras ken ni Jake Rivera, agtawen ti 30, awanan ti asawa, maysa a construction worker ken taga Barangay Barit ditoy ciudad ti Laoag.
Gapu ti daytoy, nagsagaba da Madamba ken Rivera ti sugsugat ti nagduduma a paset ti bagi da.
Agpada a naitaray dagiti biktima iti Governor Roque Ablan Senior Memorial Hospital (GRASMH) ditoy ciudad ti Laoag para ti pannakataming da.
