LAOAG CITY – Naitaray iti Governor Roque Ablan Memorial Hospital ditoy ciudad ti Laoag dagiti dua a lallaki kalpasan ti napasamak a desgrasya iti Barangay Puyupuyan iti ili ti Pasuquin.
Nabigbig dagitoy a da Jeros Erol Peralta y Garcia, agtawen ti 15, estudyante ken residente iti nasao a lugar ken ti lubbon a ni John Michael Vila, agtawen ti 18 ken residente iti Barangay Poblacion 4 iti nasao nga ili.
Segun ti imbestigasyon, manarimaan nga agpalaud dagiti biktima a nakamotorsiklo idi nakadungpar da ti dakkel a bato.
Gapo iti daytoy ket napukawan ti kontrol iti manibela a rason ti pasamak.
Nagsagaba dagiti biktima ti sugat iti nagduduma a paset ti bagi da kalpasan ti pannakadesgrasya da.
