LAOAG CITY – Kinumpirmaran ni Mrs. Noralyn dela Cruz, principal iti Sta. Rosa Elementary School ditoy ciudad ti Laoag nga adda ti dua nga adalan da a nagdaringungo.
Kuna na a napasamak daytoy sakbay ti Flag Raising Ceremony ti nasao a pagadalan itay bigat.
Segun kenkuana, dagiti dua nga ubbing ket agpada a grade 2 ken kalpasan a naipaayan da ti first aid dagitoy ket awanen ti nagbalin a problema da.
Inbatad na a mabalin a gapu ti kinabara ti panawen ti rason a nagdaringungo dagiti dua nga ubbing.
Gapu ti daytoy, inbalakad ni dela Cruz a masapol nga adda latta ti danom a balun dagiti ubbing.
