LAOAG CITY – Ballaigi a naarestar ti Philippine National Police ditoy ciudadt ti Laoag dagiti dua nga agtutubo iti Brgy. 54-B ditoy ciuadad gapu iti panaglabsing iti Article 399 wenno Robbery.
Nabigbig dagiti dua nga agtutubo nga agtawen iti 19 ken 22 a residente iti nadakamat a lugar.
Naarestar dagiti dua nga agtutubo babaen iti bileg ti Warrant of Arrest nga inyatnag ni Presiding Judge Nida Alejandro iti Regional Trial Court, Branch 12 ditoy ciudad idi Hulio 12, 2024 gapu iti panagsalungasing iti Article 399 wenno Robbery.
Segun iti Philippine National Police dagiti dua nga akusado ket naireklamo idi napalabas a bulan gapu iti maipagarup a panangitarayda ti maysa a motorsiklo ditoy ciudad.
Kabayatanna, nagtalinaed dagiti dua nga agtutubo iti kustodiar iti Philippine National Police ditoy ciudad ken narekomendaran dagiti dua iti bail bond a P72,000.00.
