LAOAG CITY – Naitaray iti Laoag City General Hospital (LCGH) dagiti dua nga indibidwal kalpasan a nagdinnungpar ti naglugan da a motorsiklo ken tricycle iti paset ti Barangay 46, Nalbo ditoy ciudad ti Laoag.
Nabigbig ti nangiturong ti motorsiklo a ni James Van Flores, agtawen ti 20 ken residente idiay Barangay Margaay iti ili ti Vintar ken ti lubbon na a ni Syril Shane Soriano, residente iti Brgy. 15 iti ili ti San Nicolas idinto a ti driver ti tricycle ket ni Loreto James Corpuz, agtawen ti 32, awanan ti asawa ken residente iti Barangay 46, Nalbo ditoy ciudad ti Laoag.
Basar ti imbestigasyon ti PNP-Laoag, agpalaud a direksyon ni Flores idi nagU-turn met ni Corpuz a rason ti napasamak nga insidente.
Gapo iti daytoy, nagsagaba ni Soriano ti fracture iti akin-kannigid a luppo na idinto a ni Flores ket nasugataniti akin-kannawan nga ima na.
Rumrumwar a nakainom ti nasanger ti driver ti tricycle idinto a nagtalinaed iti ospital dagiti dua a nasugatan.
