LAOAG CITY – Napilaanen ti kaso nga arson dagiti dua a suspek ti pannakauram ti maysa a kubo-kubo iti paset ti Barangay Paltit, Badoc, Ilocos Norte.
Daytoy ti kinumpirmaran ni Police Chief Inspector Noli Alejandro, ti deputy chief of police iti ili a Badoc.
Segun ken ni Alejandro, ti kubu-kubo ket naipatakder iti abay ti maysa a kapilya ken mismo a dagiti agnanaed iti daytoy ti nangitudo ken nangbigbig kadagiti suspek nga agpada a taga Sinait, Ilocos Sur.
Inbatad ni Alejandro nga iti imbestigasyon da, napan nag-gasolina ti motorsiklo dagiti suspek iti paset iti ili a Badoc.
Innayon na a nakainom dagitoy ket possible a nagtripan da laeng ti nangpuur ti kubu-kubo nga agbalor ti sangaribo a pisos.
Kuna pay ni Alejandro nga inubor pay dagiti suspek ti kaabay a kapilya ti napuuran a kubu-kubo.
