LAOAG CITY – Nagsagaba ti sugat dagiti dua nga indibidual kalpasan ti napasamak a desgrasya iti Barangay 55, Salet Bulangaon ditoy ciudad ti Laoag.
Segun iti Philippine National Police Traffic Division ditoy ciudad ti Laoag, ti driver ti Honda CVR ket agtawen ti 64 a residente iti Barangay 55-A, Barit idinto a ti driver ti hilux ket agtawen ti 63, naasawaan ken residente iti Barangay 22 Laoag City, ken addaan ti dua a pasaheros.
Iti inisyal nga imbestigasyon dagiti otoridad, agpada nga agpapaabagatan dagiti dua a behikulo idi nag-left turn ti Honda CVR a nangitunda iti desgrasya.
Gapo iti daytoy, nagsagaba ti sugat dagiti dua a pasaheros ken naitaray da iti Laoag City General Hospital idinto a dagiti dua a driver ket saan met a naan-ano.
Kabayatanna, agtultuloy ti imbestigasyon dagiti otoridad mainaig iti insidente.
