LAOAG CITY – Dua ti nasugatan iti panagdinnungpar ti kotse ken bus iti paset ti Brgy. 18, San Pedro, San Nicolas, Ilocos Norte.
Nabigbig ti driver ti kotse a ni George Cabuntasan y Cuchapin, 29, awanan ti asawa, mannalon ken ti kadwa na a ni Mark Paul Biag y Cacatian, 33, agpada a residente iti Brgy. 6. Sta. Rita iti ili ti Paoay idinto a ti bus driver ket ni Roger Agustin y Lumabao, 35, ken residente iti Brgy. San Marcelino iti ili ti Dingras.
Segun kenni Police Senior Master Sergeant Jeniffer Tacla iti PNP-San Nicolas, agturong iti amyanan a direksyon ti kotse idinto nga agpaabagatan met ti bus ken idi agkurba ket nadiskarkulo ni Cabuntasan rason a nadungpar na ti likod a paset ti bus.
Gapo iti daytoy, kuna na a nagsagaba ti sugat iti nagduduma a paset ti bagi dagiti nakalugan iti kotse idinto a dagiti karga ti bus ket awan ti naan-ano kadakuada.
Inbatad na a ti driver ti kotse ken ti kadwa na ket nakainom ti nasanger idi napasamak ti insidente.
