LAOAG CITY – Natay dagiti dua a tattao kalpasan a nagsuek ti nagluganan da a bassit nga eroplano iti Dilingham Airfield idiay Honolulu.
Basar iti Honolulu Emergency Medical Service, dagus a natay ti biktima nga agtawen ti 60 idinto a dead on arrival ti lalaki nga agtawen iti 78 iti ospital iti nasao a lugar.
Iti report ni Bombo International Correspondent Manny Pascua, kukua ti Honolulu Soaring ti nagsuek nga eroplano.
Kuna na a saan pay a masinununo dagiti otoridad ti makagapu ti panagsuek ti nasao nga eroplano.
Segun kenni Pascua, maysa kadagiti testigo ti nakangeg ti ringgor ken panagsuek ti eroplano iti karuruutan iti nagbaetan ti airfiled ken lote a kukua ti US Army.
Naamuan na a daytoy ti maikadua a daras nga adda ti nagsuek nga eroplano iti nasao nga airfield.
