LAOAG CITY – Dumanon iti 200 a pupils manipud iti Catholic school ti na-kidnap idiay Nigeria.
Daytoyen ti maikadua a mass school kidnapping a napasamak ita a lawas.
Ti kaudian a panangatake dagiti armado a lallaki ket ti St. Mary’s School iti Papiri, Niger state no sadinno nga inbilinen dagiti otoridad ti temporario a pannakaserra kadagiti amin a boarding schools gapu iti ngumatngato a pangta iti seguridad.
Basar iti Christian Association of Nigeria, adda ti 215 nga estudiante ken 12 a miembro ti staff ti na-kidnap.
Mainaig iti daytoy, maysa a simbaan ti rinaut dagiti armado a grupo iti abagatan a paset ti Kwara state nga adda ti dua nga indibidual ti natay ken 38 ti na-kidnap kabayatan a maisaysaysangkat ti service iti broadcast online.
Maipalagip nga adda ti 25 a babbai a pupils manipud iti boarding school iti asideg ti Kebbi state ti na-kidnap babaen kadagiti armado a grupo.
Immuna iti daytoy, gapu iti umad-adu a panangatake iti West African nation ket naitantan dagiti naikeddeng a foreign trips ni President Bola Tinubu.
