LAOAG CITY – Dakkel a karit ti sangwen ni outgoing Dutch Prime Minister Mark Rutte.
Daytoy ket kalpasan a nainaganan nga agbalin a sumaruno a secretary general ti North Atlantic Treaty Organization (NATO).
Iti maysa nga statement nga inparuk-at ti alliance, ti appointment ni Rutte ket naipatungpal kalpasan a nagsanud ni Romanian President Klaus Iohannis.
Ti termino ti agdama a Secretary General a ni Jens Stoltenberg ket agngudo intono Oktubre 1, 2024.
Ni Rutte ket tawiden na ti North Atlantic Treaty Organization a sumangsango ti karit tapno papigsaen ti bukod na a seguridad bayat a supsuportaran na ti Ukraine kontra iti panangraot ti Russia.
