LAOAG CITY – Ad-adalen ni Philippine National Police (PNP) Chief Gen. Nicolas Torre III ti pannakaipatungpal ti eight-hour duty iti kapulisan.
Inbatad ni Torre a gagemna a maipaayan dagiti pulis ti umdas nga oras a makaduada ti pamiliada.
Nupay kasta, inlawlawagna a no mapagbalin a walo nga oras ti duty dagiti pulis ket nasken nga awan ti pulis a nakatugaw ken agsel-cellphone.
Kunana a ti nabasbassit nga oras a panag-duty, mangnamnama ni Torre nga awan ti matmaturog a pulis kabayatan a naka-duty dagitoy.
Inpettengna a naipatungpalna daytoyen idi isuna pay laeng ti District Director ti Quezon City Police District (QCPD).
Immuna iti daytoy, kalikagum nga isubli ni Torre ti 3 minute response time ti pulisia a naipatungpal idi daytoyen iti Quezon City Police District.
