LAOAG CITY – Inpakammo ni Mayor Michael Marcos Keon nga ikiddaw na kenni Gov. Matthew Marcos Manotoc iti pannakaideklara ti Enhanced Community Quarantine ditoy siudad ti Laoag.
Daytoy ket no bilang saan a bumaba ti maimalmaldit a kaso ti COVID-19 ditoy siudad.
Kuna na a possible a mapasamak daytoy intono sumaruno a lawas ken tapno adda ti panagsagana dagiti residente.
Nagkedked ni Keon nga idetalye pay laeng dagiti pagalagadan gapu ta ado pay dagiti nasken a trabahoen da.
Innayon na nga uray nakaiyemplementar ti ECQ ket agtultuloy ti vaccination program ditoy siudad.
