LAOAG CITY – Kumpiansa ni Education Secretary Sonny Angara a ngumato ti sueldo dagiti public school teachers iti babaen ti administrasion ni Presidente Ferdinand Marcos Jr.
Inbatad ni Angara, daytoy ket gapu ta binigbig ti Presidente dagiti mangisursuro kas sentro ti education system.
Inbatadna a dinakamat ti Presidente kenkuana a nasken nga ipangpangruna dagiti mangisursuro ken tutukan ti beneipisio a maipaay kadakuada.
Inlawlawagna nga iti agdama ket ti saludsod no mano ken kaano a ngumato ti sueldo dagiti mangisursuro.
Mainaig iti daytoy, saan met a dinakamat ti sekretario ti potential rate increase ngem saan a 50 a ribu a pisos ti entry level dagiti public school teachers.
Innayon ni Angara a plano ni Presidente Marcos a mangbukel ti baro a ranks para kadagiti public school teachers tapno mapaalisto ti promotion dagiti educators.
