LAOAG CITY – Saan a mapukpukaw ti namnama ni Pinoy pole vaulter EJ Obiena a maragpatna dagiti record targets para iti bagina.
Kinunana nga inton naan-anay nga umimbag manipud iti injury ti bukotna, nakasaganan a manglab-aw iti rekordna iti 6.00 meters.
Mainaig iti daytoy, ti nadakamat a rekord ket nagun-odna iti 2023 World Championship idiay Hungary no sadinno maika-dua isuna iti record-holder a ni Armand Duplantis ti Sweden.
Iti pakasaritaan tallo laeng a tattao ti nakadanon iti nasurok nga 6.10 meters no sadinno daytoy ti agdama a puntiria ni Obiena.
Segun kenni Obiena, maragsakan no madanon ti target a 6.15 meters.
Kabayatanna, agtalek ti coach-na a ni Vitaly Petrov a madanon ti Pinoy pole vaulter ti nadakamat a kangato.
Ita agdama, ti puntiria ni Obiena ket naan-anay nga umimbag, no sadinno a maibasar kadagiti panagsukimat dagiti doktorna, sumagmamano a bulan ti kasapulan tapno naan-anay nga umimbag.
