LAOAG CITY – Dimmur-as ti ekonomia ti Pilipinas iti sumurok 6% manipud idi 2022 wenno sipod idi nagtugaw ni Presidente Ferdinand Marcos Jr.
Basar kadagiti economic managers, pimmigsa ti ekonomia ti pagilian iti average a 6.1% manipud iti maikatlo a kwarter ti 2022 agingga iti umuna a kwarter ti 2024.
Iti umuna a kwarter ti 2024 pay laeng, naartapan ti 5.7% nga ekonomia ti Pilipinas kadagiti dadduma a pagilian iti Asya kas ti Indonesia, Malaysia, Singapore ken Thailand.
Maibasar iti Development Budget Coordination Committee, iti baet ti panagsukisok ket manamnama ti agtultuloy latta a panagdur-as ti ekonomia ti pagilian a manamnama nga agngudo iti 6% agingga iti 7% ita a 2024 ken ad-adda pay a ngumato iti 6.5% agingga iti 7.5% iti 2025 a pasado iti average growth forecast dagiti nagduduma nga organisasion.
