LAOAG CITY – Basar iti Philippine Statistics Authority, dimmur-as ti ekonomia ti Pilipinas ti 5.4% iti umuna a tallo a bulan ti 2025.
Ti panagdur-as ti ekonomia ket nairekord kadagiti sektor ti serbisio, industria ken agrikultura.
Ti gross domestic product (GDP) ti pagilian ket dimmanon iti P5.477 trillion iti nasao a panawen, manipud iti P5.196 trillion idi kapada a kuarter iti napalabas a tawen.
Naammoan nga uray nangatngato ti growth rate daytoy maidasig iti 5.3% ti maudi a kuarter ti 2024, nababa daytoy maidasig iti 5.9% ti umuna a kuarter ti 2024.
Kabayatanna, dagiti kangrunaan a sektor ti ekonomia ket nangipakita ti napintas a panagdur-as no sadinno ti sektor ti agrikultura ken panagkalap ket dimmur-as ti 2.2%, ti industria ket ngimmato ti 4.5% ken ti serbisio ket immuli ti 6.3%.
