LAOAG CITY – Nagballaag dagiti eksperto iti epekto ti nakaro a komplikasion ti trangkaso kageddan ti kellaat a pannakatay ti Meteor Garden actress a ni Barbie Hsu.
Ti pannakatay ti Taiwanese actress nga inay-ayat ti intero nga Asya gapu iti iconic a panagakemna kas “Shancai” iti serye iti telebision ti Meteor Garden ket isu ti nakaala ti imatang iti peggad ti trangkaso.
Inpetteng ni Doctor Edsel Salvana, maysa nga eksperto iti makaakar a sakit ken miembro ti Scientific Advisory Group ti Department of Health (DOH) of Experts for Emerging and Re-Emerging Infectious Diseases (EREID-SAGE), uray kaaduan kadagiti kaso ti trangkaso ket maagasan nga awan ti komplikasion, ti virus ket mabalin a mangitunda ti nakaro a pulmonya, nangruna kadagiti indibidual nga adda dagiti kondision iti salun-at.
Dinakamatna a no ni Hsu ket adda ti datina nga isyu iti salun-at, adda ti peggad a nangatngato a maaddaan ti viral pneumonia.
