LAOAG CITY – Nakumpiskar dagiti otoridad dagiti sumagmamano nga eksplosibo, bala ken paltog iti maysa a pagtaengan babaen ti sear ch operation iti Brgy. 13 Nalasin iti ili ti Solsona.
Nabigbig ti subject iti operasyon a ni Whistler Ignacio y Ventura, agtawen ti 30, residente iti nasao a lugar ngem agdama nga agnanaed iti probinsya ti Cagayan.
Narekobre dagiti otoridad iti dua a rifle grenade, maysa a granada, maysa a magazine iti M16 rifle a napunuan ti bala, maysa a kalibre 38 nga addaan ti bala, tallo a bala iti 5.56mm a naala iti maysa a kuarto ken holster ti paltog.
Kabayatanna, naamuan manipud kenni Police Capt. Chris Anthony Sorsano a ti subject ken ti agnagan ti Rumolo Bayani Anacleto, ti biktima iti attempted murder ken nauram ti poultry farm na ken residente iti ili ti Piddig ket agkasosyo da iti negosyo.
Naipalaon iti search warrant nga inserbi dagiti kameng ti PNP Solsona a maipagarup nga agik-ikot ni Ignacio iti maysa a Caliber 38 ken nagduduma a klase ti bala.
Iti mainaig a damag, inpkaammo ni Barangay Chairman Noriel Pascual, iti Brgy. 13 Nalasin iti ili ti Solsona, a nasayaat a tao ni Whistler Ignacio, ti subject ti search operation.
Kuna na a mannakigayyem ti subject ken awan ti pakasaritaan na iti barangay malaksid laeng iti ibubulod na iti puunan a trinatar da.
Awan met ti ammo ni Pascual nga agbitbitbit iti paltog ngem ketdi makitkita na laeng a nakalugan iti motorsiklo.
Innayon na nga awan met ti nairepreport kenkuana seknan iti panagbitbitbit na iti paltog.
Kabayatanna, nasdaaw Mrs. Rogelia Ignacio, ina ni Whistler Ignacio, iti operasyon dagiti otoridad gapu ta awan met iti ammo na nga ik-ikotan ti anak na a paltog, agraman dagiti nakumpiskar nga eksplosibo.
Atapen ti ina nga adda dagiti nangipan kadagiti narekobre dagiti otoridad gapu ta kanayon nga agistimar daytoy.
Kuna na nga adda tallo a lallaki a simrek iti pagtaengan da tapno maparwar dagiti tattao ken tapno natalged iti lugar.
Makaudian na, kinumpirmaran ni Police Capt. Chris Anthony Sorsano, hepe ti PNP Solsona, nga adda ti nakakita kenni Whistler Ignacio nga adda ti paltog na rason a naireport iti PNP Piddig.
Kuna na a nakikoordinar ti PNP Piddig kadakuada para iti search operation ken naiyuman daytoy iti korte kadua da ti nakakita.
Rumrumwar a maipagarup a aglaklako ni Ignacio iti armas rason a nakita ti saanen a nabigbig a nagreport iti PNP Piddig.
Daytoy ti rason a nagpositibo ti search warrant nga inpatungpal da iti pagtaengan ni Ignacio.
Inbatad ni Sorsano a saan da met a baybay-an ti naipakaanno kadakuada mainaig iti kaadda ti paltog ni Ignacio.
Inpasingked ni Sorsano nga imbestigaren da latta no adda met iti pannakainaig ni Ignacio kadagiti pasamak iti pammaltog a nakatayan dagiti dua a lallaki a maipagarup a gun-for-hire iti ili ti Piddig.
