LAOAG CITY – Umaboten iti 32 nga indibidual ti naarestrar ti Philippine National Police (PNP) babaen iti kaso iti online libel manipud idi Enero 1 agingga Mayo 15.
Basar iti report ti Philippine National Police (PNP) umaboten iti 276 a kaso ti online libel ti inpilada.
Kabayatanna, basar iti datos ti Anti Cyber Crime Group (ACG) ti sumagmamano a naarestar nga indibidual ket sumangsango iti kaso a panaglabsing ti Republic Act 10175 wenno Cyber Crime Prevention Act of 2012.
Iti babaen ti linteg, nadagdagsen ti pannusa iti online libel maidasig iti traditional a libel a sakupen ti Revised Penal Code.
Dinakamat ti Philippine National Police a ti online libel ket maipanggep iti pammabasol ti krimen, bisyo wenno aniaman a tignay a mabalin a makadadael iti imahe iti maysa a tao babaen ti information and communication technology.
Inwayat ti panangarestar ken panangipila ti kaso dagiti special operating units ti Philippine National Police- Anti Cyber Crime Group kabinnulig dagiti regional, provincial, city ken district cyber response teams iti nagduduma a lugar ditoy pagilian.
Inpetteng ni Philippine National Police Chief Police General Jose Melencio Nartatez Jr. a nupay napateg ti social media iti komunikasion ket masapul nga agbalin a responsible iti panagusar daytoy.
