LAOAG CITY – Kinumpirmaran ni Philippine National Police (PNP) Chief Gen. Jose Melencio Nartatez Jr. a nagserbi kas dati a security detail ni dati nga House Speaker Lord Allan Velasco ni Rodolfo Gracioso Jr.
Ni Gracioso Jr. ket dati a pulis a nangibutaktak iti maipagarup a sumagmamano a gundaway ti panangipatulodna ti minaleta a kuarta ken ni VP Sara Duterte, bayat a daytoy ket agserserbi kas security detail ni Velasco.
Segun ken ni Nartatez, dati simmangon kadagiti kaso nga administratibo ken criminal ni Gracioso idi 2021 ken 2022 bayat a nakadestino iti Police Regional Office 4A.
Dati pay a naipaayan daytoy ti pannakasuspenso ngem insigida met laeng daytoy a nagsubli.
Innayon ni Nartatez Jr. a ti pannakaikkatna ti serbisio ket resulta dagiti serye ti imbestigasion ken paset ti ‘administration of justice’ iti kampo ti Philippine National Police (PNP).
