LAOAG CITY – Kalikagom ti Philippine National Police (PNP) a nayonan ti bilang ti motorsiklo iti kapulisan para iti insigida a panag respondeda kadagiti agduduma a krimen a mapaspasamak.
Inbatad ni PNP chief General Jose Melencio Nartatez Jr. a saanda a kayat a mapasamak iti realidad dagiti pasamak iti mabuybuya kadagiti pelikula no sadinno ket maududi ti pulis a makadanon iti nakapasamakan ti insidente.
Inpasiguradona a dakkel a tulong daytoy a mainayon a bilang ti motorsiklo ken agtultuloy latta ti panag-patrolyada kadagiti area of assignment-da.
Ti agdama, addan sumagmamano nga istasion ti PNP ti nakaawat ti baro a motorsiklo naggapu iti Department of Interior and Local Government (DILG) kas paset ti insigida a panagrespondeda iti krimen.
