LAOAG CITY –Inbatad ti Philippine National Police (PNP) nga addan ti nai-block-da a dua a websites nga adda pakainaiganna iti real-world violence ken online grooming iti pagilian.
Impakaammo ni PNP Public Information Office chief PCol. Allen Rae Co a nakikoordinar ti Anti-Cybercrime Group iti National Telecommunications Commission kagiddan ti napasamak a shooting incident kadagiti pagadalan iti kallabes.
Kuna ni Co nga adda dagiti links a nasarakan dagiti imbestigardor iti nagduduma nga online platforms a mabalin a maka-impluensia kadagiti menor de edad a managramat ti kinaranggas iti pagadalan.
Nupay kasta, saan met a dinakamat ni Co dagiti nasao a websites tapno saan a makaatrakar ti interes manipud kadagiti ubbing.
Innayonna a daytoy ket iti babaen ti pammilin ni Interior Secretary Jonvic Remulla and PNP chief PGen. Jose Melencio Nartatez Jr. kagiddan iti napasamak a shooting incident iti South Cotabato.
